Наша мэта - падняць узровень фанацкай падтрымкі ў Беларусі да еўрапейскага ўзроўня або хаця б наблізіцца да яго! Дамагчыся, каб і на Дынама гучалі песні, беларускія песні. Мы ўжо прарабілі вялікі аб'ём працы, але гэта толькі верхавіна айсберга. Фан-клуб з'яўляецца самадастатковай арганізацыяй, незалежнай ад каго бы то ні было. Ён існуе за рахунак запалу і падтрымкі ўдзельнікаў і не мае ніякіх кантактаў з уладнымі структурамі, альбо апазіцыйнымі. Арганізацыя абсалютна апалітычная. Для таго, каб аб'яднаць прыхільнікаў як чырвона-зялёнага афіцыйнага сцяга, так і нацыянальнага бела-чырвона-белага ў клубе прынятая ўласная сімволіка, якая спалучае ў сабе элементы як першага, так і другога сцягоў, а ад іх выкарыстання вырашанае адмовіцца. У фан-клуба ёсць уласная клубная атрыбутыка, функцыянуе сайт. Існуе выразны статут, рэгламентавальны нашу дзейнасць.

Статут фан-клуба "В-12"

1 АГУЛЬНЫЯ ПАЛАЖЭННІ

1.1. Фан-клуб з’яўляецца добраахвотным згуртаваннем заўзятараў зборнай Беларусі па футболе. Фан-клуб дзейнічае на пастаяннай аснове, незалежна ад графіка нацыянальнай зборнай, мае ўласныя традыцыі, сімвалы, гісторыю, прынцыпы.
1.2. Дзейнасьць фан-клуба “В-12” ніякім чынам не датычыцца палітыкі. Фан-клуб па-за палітыкай.
1.3. Фан-клуб з’яўляецца адкрытым. Кожны жадаючы можа ўступіць у клуб, і без перашкод выйсці.
1.4. Кожны ўдзельнік мусіць спрыяць развіццю і пашырэнню фан-клуба, мае права ўносіць прапановы па развіццю клуба і мае голас у вырашэнні арганізыйных пытанняў. Па магчымасьці, кожны ўдзельнік мусіць актыўна ўдзельнічаць у справах фан-клуба (гэта значыць усімі магчымымі сродкамі дапамагаць дзейнасьці фан-клуба).
1.5. Афіцыйныя колеры фан-клуба - чырвоны і белы.
1.6. Галоўная мова песен і зарадаў – беларуская. Руская мова не забараняецца, але беларуская мае моцны прыярытэт.
1.7. Кожны ўдзельнік клуба павінен ведаць тэксты песен і зарадаў.
1.8. Фан-клуб з’яўляецца незалежнай і самадастатковай арганізацыяй. Спонсарская дапамога непрымальная, а фінансавая самастойнасць забяспечваецца за кошт удзельнікаў фан-клуба. Тым ня менш дапускаецца прыняцце ахвяраванняў, накіраваных на дапамогу ў рэалізацыі мэтаў фан-клуба.

2 МЭТЫ

2.1. Падтрымліваць нацыянальную футбольную каманду Беларусі дома і на выездах.
2.2. Выбраць з масы наведвальнікаў стадыёна людзей, якія сапраўды разьбіраюцца ў футболе, падтрымліваюць зборную, незалежна ад яе вынікаў, і не прапускаюць гульняў улюбёнай каманды. Сабраць іх на адным сектары ў тым ліку і каб адмежавацца ад пастаронніх людзей на стадыёне (кузьмічы, п'яныя падлеткі і гэтак далей).
2.3. Арганізоўваць выезды за нацыянальнай камандай як па розных гарадох Беларусі, гэтак і за мяжу.
2.4. Спрыяць падвышэнню культуры заўзення ў Беларусі. Ствараць на стадыёне прыгожае яскравае шоў, фанацкі перфоманс і незабыўную атмасферу ў лепшых традыцыях еўрапейскіх фанатаў.
2.5. Арганізоўваць супольны адпачынак удзельнікаў фан-клуба, розныя мерапрыемствы, якія непасрэда ці ўскосна тычацца футбола, і якія мусяць зрабіць больш цікавым жыццё ўдзельнікаў клуба.
2.6. Спрыяць пашырэнню сяброўскіх адносін паміж удзельнікамі, а таксама паглыбляць адчуванне прыналежнасці іх да фан-клуба, як часткі аднаго цэлага, фарміраванню, прыняццю і падтрыманню ўнутрыклубнай карпаратыўнай культуры.

3 ПАВОДЗІНЫ

3.1. Кожны ўдзельнік клуба павінен ведать тэксты песен і зарадаў.
3.2. Фан-клуб аб’ядноўвае балельшчыкаў розных футбольных клубаў. Таму забараняецца праяўляць непрыязнь па клубнай прыкмеце. Ніякай дыскрымінацыі. Фанаты любых клубаў маюць права выказваць свае думкі.
3.3. Удзельнікам фан-клуба забараняецца агрэсіўна паводзіць сябе на стадыёне (вырываць сядушкі на стадыёне, правакаваць супрацоўнікаў праваахоўных органаў і фанатаў каманды-суперніка). далей).
3.4. Удзельнікам фан-клуба забараняецца праяўляць ці распальваць расавую альбо нацыянальную варожасць (у тым ліку з дапамогай розных візуальных і гукавых сродкаў, напрыклад банэраў і зарадаў).
3.5. Удзельнікам фан-клуба забараняецца з’яўляцца на стадыёне ці ў людных месцах ў нецвярозым стане, бо гэта можа пашкодзіць іміджу фан-клуба (гэты пункт дзейнічае, калі чалавек мае пры сабе клубную атрыбутыку, па якой можна вызначыць яго прыналежнасьць да фан-клуба).
3.6. Удзельнікам фан-клуба забараняецца зневажаць іншых балельшчыкаў і гульцоў каманды-суперніка.
3.7. Усе ўдзельнікі фан-клуба мусяць наведваць гульні нацыянальнай зборнай цэнтралізавана, гэта значыць разам з астатнімі ўдзельнікамі фан-клуба. Дамашнім сектарам фан-клуба з’яўляецца сектар №12.
3.8. Удзельнікам фан-клуба забараняецца праяўляць і навязваць свае палітычныя погляды ў межах фан-клуба (а гэта значыць і на форуме).
3.9. Удзельнікам фан-клуба забараняецца прыносіць і карыстацца на стадыёне дудкамі. Больш таго, ён павінен старацца прводзіць тлумачальную працу сярод іншых балельшчыкаў, каб спрыяць памяншэнню памераў гэтай ганебнай з’явы ў Беларусі.
3.10. Кожны ўдзельнік фан-клуба павінен карыстацца клубнай атрыбутыкай, і па магчымасці не выкарыстоўваць іншую атрыбутыку. Гэта спрыяе падтрыманню карпаратыўнага духа, адзінасці ўдзельнікаў і проста добра выглядае звонку, што з’яўляецца добрай рэкламай.

4 АТРЫБУТЫКА

4.1. Фан-клуб мае сваю ўнікальную атрыбутыку: клубныя майкі і шалікі (розы).
4.2. Клубную майку можа замовіць любы чалавек, які жадае хадзіць разам з намі на стадыён. Для тых хто незарэгістрараваны ў клубе, майка будзе каштавать даражэй на суму, якая вызначаецца каардынатарам фан-клуба.
4.3. Розы вырабляюцца толькі для зарэгістрараваных удзельнікаў фан-клуба (у асобных выпадках - для набліжаных для фан-клуба людзей, таксама вызначаецца каардынатарам).