Паводле некаторых зьвестак, мадрыдзкі Рэал зладзіў папярэднюю сустрэчу з прадстаўнікамі Аляксандра Глеба і, гэткім чынам, узяў удзел у барацьбе за паўабаронцу Арсэнала. Іспанскі гранд будзе канкурыраваць зь Інтэрам ды Барсэлонай, якія ўжо выказалі сваю зацікаўленасьць у паслугах Глеба пасле таго, як ён абвясьціў, што хоча сысьці з Арсэнала. Чакаецца, што Глеб выкупіць рэшту свайго кантракту з Арсэналам, каб мець магчымасьць перайсьці ў іншы клюб і атрымліваць большы заробак. Паводле іспанскіх выданьняў, у Арсэнале, каб паспрабаваць пакінуць Глеба ў камандзе, згодныя прапанаваць 27-гадоваму гульцу €75000 за тыдзень (60000 фунтаў). Але гэтая прапанова перакрываецца Інтэрам (€125000 што эквівалентна 100000 фунтаў за тыдзень). У Мадрыдзе таксама гатовыя прапанаваць аналягічную суму. Спартовы дырэктар каралеўскага клюба з’яўляецца прыхільнікам гульні беларускага футбаліста і хацеў бы бачыць яго на правым фланзе мадрыдзкай паўабароны. Ёсьць меркаваньне, што калі Аляксандр Глеб сыйдзе з Арсэнала, Чэск Фабрэгас таксама можа задумацца над мэтазгоднасьцю свайго знаходжаньня у клюбе з паўночнага Лёндана. Каталёнскі паўабаронца, Фламіні і Глеб – блізкія сябры. І калі Арсэнал саступіць Глеба іншаму клюбу, Фабрэгас таксама можа пакінуць Эмірэйтс у наступным сэзоне. Барсэлёна таксама праінфармавала агента футбаліста, што у клюбе гатовыя задаволіць патрабаваньні Глеба, бо ён з’яўляецца часткай іх летняй праграма па рэфармаваньню каманды. Тэхнічны сакратар Барсэлёны, Цікі Бегірыстэйн назіраў за Глебам на працягу пэўнага часу, і каталёнская прэса ўпэўненая, што афіцыйная прапанова ад Барсэлёны паступіць адразу пасьля адпаведных крокаў Інтэра.
Толькі не Рэал, ужо лепей Інтэр)) Але гэта што тычыцца маіх антыпатыяў)
Здаецца, па ўсіх параметрах, у тым ліку і па стылі гульні, Барса - каманда Глеба. І клімат цёплы, і горад для жонкі цудоўны), і Іспанскі футбол вельмі тэхнічны, а самае галоўнае - ёсьць надзея, што з'явяцца нармальныя форварды, якія здолеюць рэалізаваць нармальныя пасы. А то інэт-песцюкі на форумах Арсэнала (маю на ўвазе ангельскія) задралі ныць, што мала забівае Глеб. Калі б яго пасы рэалізоўвалі, ніхто б нават не пікнуў. А так Глеб - вінаваты, што клуб прадувае. Плюс якія камбінацыі могуць зь Месі на пару атрымацца, ммммммммммм, смачна як
