 Надыйшоў час падводзіць падрахункі выступу беларускіх футбалістаў у расійскім чэмпіянаце. Паўза ў Прэм'ер-лізе наступіла яшчэ пасля 16 траўня, аднак мы чакалі канца футбольнага месяца ў Першым расійскім дывізіёне, паколькі гэта таксама можа паўплываць на выніковыя адзнакі. Але пачнем, вядома ж, з Прэм'ер-лігі. Для поўнасці карціны прывядзем адзнакі беларускіх гульцоў ад газеты “Спорт-Экспрэс” і бачыны Championat.ru: Гуренка (адзнака “СЭ” - 5.8 / адзнака Championat.ru - 5.5 – у сярэднем 5.65 (3 гульні)
Жаўноў 5.5/5.8 – 5.65(2)
Філіпенка 5,5/5.5 – 5.5(3)
Амельчанка 5,5/5.5 – 5.5(2)
Булыга 5.3/5.5 – 5.4(3)
Калачоў 5.3/5.3 – 5.3(2)
Радзькоў 5.3/5.3 – 5.3(2)
Афанасьеў – 5.3 (2)
Ланько 5.3/5 – 5.15(2) Варта дадаць, што Міхася Афанасьева, які выходзіць на замены, ацаніў толькі “СЭ” (яму ў залік таксама пайшоў кубкавы фінал). Усе чатыры тура месяца не згуляў не адзін беларускі гулец, праўда, у выпадку з Сяргеем Гуренкам і Віталём Булыгай гэта адбылося з-за перанесеных сустрэч з “Зенітам”. Найболей ярка сябе выявіў Ягор Філіпенка, які ўпэўнена дэбютаваў у “Спартаку” і адразу жа быў уключаны ў сімвалічную зборную тура (па адзнаках “СЭ” і Championat.ru). Вось што па гэтай падставе пісалі апошнія: “Упершыню выйдучы ў стартавым складзе, згуляў вельмі ўпэўнена і надзейна. Памылкі здараліся, але для дэбюту, ды яшчэ і супраць лідэра чэмпіянату, згуляў выдатна, не даўшы разгарнуцца нападзенню казанцаў”. Сяргей Гуренка згуляў не так яскрава, але надзейна. Юры Жаўноў і Антон Амельчанка на пару абаранялі вароты “Масквы”, і абодва адыгралі даволі якасна. Таксама, варта адзначыць Віталя Булыгу, які зараз находзіцца яўна ў добрай форме (або ў добрай удачы). football.Вy
Прымацаванні: |
